Llyfrgell Genedlaethol Cymru :: Y Bywgraffiadur Cymreig

A B C D E F G H I J K L M N O P Q R S T U V W X Y Z

IEUAN LLWYD SIEFFRAI (fl. c. 1599-1619 ) Nid felly. G. yn 1575 yn fab ac aer Sieffrai ab Ieuan Llwyd , Dyffryn Ereithlyn , Eglwys-bach , sir Ddinbych , o deulu Llwydiaid Hafod Unnos ( Bywg. , 539) . Ar 12 Gorff. 1591 , yn eglwys Llandrillo , Meirion , ef yn 16 oed a hithau ond 11, priododd Margred , merch ac unig aeres Morus ap Siôn ab Elis o'r Palau . Ganwyd iddynt 10 merch a dau fab, rhai yn y Palau a rhai yn y Dyffryn . Llofruddiwyd y mab hynaf, Sieffrai Llwyd ( 1607 - 1626 ) yn Nôl-y-cletwr yn Rhiwedog , ac aeth yr etifeddiaeth drwy'r ail fab, Morus (g. 1619 ). Un o'r uchelwyr llengar , hynafiaethydd , achydd , bardd oedd Ieuan Llwyd Sieffrai . Bu f. 8 Gorff. 1639 , a'i gladdu ym mynwent Llandderfel .

Llyfryddiaeth:

Archaeologia Cambrensis , 1885 , 133-6;
History of the Princes, the Lords Marcher, and the Ancient Nobility of Powys Fadog , VI, 105-8.

Awdur:

Evan David Jones, F.S.A., (1903-87), Aberystwyth

Atodiadau a chywiriadau:

IEUAN LLWYD SIEFFRAI ( fl. c. 1599-1619 ), bardd ; brodor o Ogledd Cymru . Cadwyd peth o'i farddoniaeth mewn llawysgrifau. Yn ei phlith ceir cywydd ac englynion marwnad i'r Capten Sion Salbri o Rug , a fynega gysylltiad agos rhyngddo â'r bardd , englynion i Pyrs Gruffydd o'r Penrhyn , englynion i groesawu Rhisiart Huws i Benllyn , cywydd i ddiolch i Robert Fychan o Lwydiarth am y croeso a gafodd y bardd yn ei gartref, cywydd gofyn cleddyf i Maredudd ap Huw Lewys dros Ffowc Holant , a pheth canu rhydd.

Llyfryddiaeth:

Llawysgrifau Llyfrgell Genedlaethol Cymru 1553 , 5274;
Llawysgrif Brogyntyn yn Llyfrgell Genedlaethol Cymru, Aberystwyth. 4;
Cardiff Manuscript 20;
Llawysgrif Cwrtmawr yn Llyfrgell Genedlaethol Cymru 22;

Llawysgrif Llansteffan yn Llyfrgell Genedlaethol Cymru, Aberystwyth 156;

Llawysgrif Panton yn Llyfrgell Genedlaethol Cymru, Aberystwyth 64;

Llawysgrif Peniarth yn Llyfrgell Genedlaethol Cymru 89.

Awdur:
Miss Ray Looker, (Mrs Ray Morgan), Caerdydd / Rhymni