Llyfrgell Genedlaethol Cymru :: Y Bywgraffiadur Cymreig

A B C D E F G H I J K L M N O P Q R S T U V W X Y Z

GRIFFITH , JOHN ( Bywg. , 273) Yn lle ( 16eg g. ) darllener ( fl. 1548-87 ). Yn lle Mari darllener Elisabeth fel o dan Awbrey ( Bywg. , 17) .

Atodiadau a chywiriadau:

GRIFFITH , JOHN ( fl.1548-87 ), gŵr o'r gyfraith sifil , mab (mae'n debyg) i William Griffith (bu f. 1587 ), Plas Mawr , Caernarfon , a Threfarthen , Llanidan , sir Fôn , mab hynaf ail briodas Syr William Griffith o'r Penrhyn . Margaret , merch John Wyn ap Meredith o Wydir , a modryb y Syr John Wynn 1af [q.v.] , oedd ei fam. Gwnaethpwyd ef yn gymrawd o Goleg All Souls , Rhydychen , yn 1548 , cymerodd ei B.C.L. yn 1551 (18 Gorffennaf) , a gradd doethur yn 1563 (7 Gorffennaf) . Yn 1559 (23 Chwefror) caniataodd y frenhines Mari i William Awbrey [q.v.] drosglwyddo i Griffith ei gadair ‘Regius’ y gyfraith sifil yn Rhydychen . Cadwodd Griffith y swydd hon hyd 1566 ; o'r flwyddyn 1561 hyd 1564 yr oedd yn brifathro New Inn Hall yr un pryd. Ar 26 Chwefror 1564 fe'i derbyniwyd yn aelod o Doctors' Commons . Etholwyd ef yn aelod seneddol dros fwrdeisdref Caernarfon yn 1571 a gwasanaethodd fel siryf sir Gaernarfon yn 1582-3 a sir Fôn yn 1587 . Yr oedd ei frawd iau, WILLIAM GRIFFITH , LL.D. , yn farnwr y Morlys dros sir Gaernarfon ac yn aelod seneddol dros fwrdeisdref Caernarfon yn 1586 . Y flwyddyn ddilynol bu'n gyfrifol am gychwyn yr ymchwil a lwyddodd ymhen ychydig i ddarganfod y twr o Babyddion a oedd yn cyfarfod yn ogof Rhiwledyn yn y Creuddyn a chanddynt eu gwasg argraffu eu hunain.

Llyfryddiaeth:

J. E. Griffith , Pedigrees of Anglesey and Carnarvonshire Families , 1914 , 125, 184-5;
Wood , Athenae Oxonienses…to which are added The Fasti , 1813–20 , i, 161;
Rymer , Foedera conventiones, litteræ, et cujuscunque generis acta publica, inter reges Angliæ et alios quosuis imperatores, reges, pontifices, principes, vel communitates, ab ingressu Gulielmi I. in Angliam, A.D. 1066, ad nostra usque tempora habita aut tractata ex autographis, infra secretiores archivorum regiorum thesaurarias, asservatis, aliisque summæ vetustatis instrumentis, ad historiam anglicanam spectantibus, fideliter exscripta , 1816-1830, 1869 , xv, 505;
W. R. Williams , The History of the Parliamentary Representation of Wales , 1895 , 65;
Trafodion Cymdeithas Hanes Sir Gaernarfon , 1946 , 14.

Awdur:

Athro Emeritus Arthur Herbert Dodd, M.A., (1891-1975), Bangor