ROBERTS, MICHAEL (1780 - 1849), Pwllheli, gweinidog gyda'r Methodistiaid Calfinaidd

Mab i John Roberts (Llangwm); ganwyd yn Llanllyfni, Arfon. O'r flwyddyn 1802 gwnaeth ei gartref ym Mhwllheli a chadwai ysgol yno. Dechreuodd bregethu yn 1798 ac ordeiniwyd ef yn 1814. Nid oedd, mwy na'i ewythr Robert Roberts (Clynnog), yn gryf o gorff, ond fel hwnnw, cymerth ei le ymhlith pregethwyr blaenaf ei oes. Yr oedd o feddwl praff a'i ddull o bregethu, yn enwedig ar brydiau, yn rymus, trydanol, a hyrddiol. Cyfrifid iddo yng nghymdeithasfa Llanidloes (1810) argyhoeddi mil o bobl. Bu'r amhariad a ddaeth ar ei feddwl am 12 mlynedd o'i oes (1836-48) yn loes a cholled i genedl gyfan. Yn anffodus ni fu tymor ei adferiad ond ychydig fisoedd. Bu farw 29 Ionawr 1849, yn 68 oed.

Awdur

• Y Parchedig Richard Thomas, (1872 - 1950)

Ffynonellau

• John Jones, Cofiant a phigion o bregethau y Parch. Michael Roberts, Pwllheli (Pwllheli 1883)
• Owen Thomas, Cofiant y Parchedig John Jones, Talsarn: mewn cysylltiad a hanes duwinyddiaeth a phregethu Cymru (Wrexham 1874), i, 109; ii, 879
• T. R. Roberts, Eminent Welshmen: a short biographical dictionary of Welshmen... from the earliest times to the present (1908)
• Josiah Thomas Jones, Geiriadur Bywgraffyddol o Enwogion Cymru (Aberdâr 1867-70), ii, 504
• Joseph Evans, Biographical Dictionary of Ministers and Preachers of the Welsh Calvinistic Methodist Body … to the close of the year 1850 (1907)
• Methodistiaeth Cymru (1851–6) ii. 184

Dolenni Ychwanegol

• VIAF: 1259365
• Wikidata: Q20738134

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/