OWEN, THOMAS (1748 - 1812), clerigwr a chyfieithydd

bedyddiwyd 3 Medi 1748, mab Thomas a Margaret Owen, Rhiwlas, ym mhentre Pentraeth, Môn. Ar 20 Mawrth 1767 ymaelododd yng Ngholeg Iesu, Rhydychen, gan raddio yn B.A. yn 1770. Yn gynnar yn 1771, geilw ei hun yn ddirprwy i lyfrgellydd Bodley. Urddwyd ef yn ddiacon yn Ordeiniad y Drindod, 1771, gan esgob Rhydychen ar lythyr gollyngdod oddi wrth esgob Bangor, gyda hawl i guradiaeth Llanddeusant ym Môn. Graddiodd yn M.A. o Goleg y Frenhines, Rhydychen, yn 1773. Cyflwynwyd ef yn 1779 i reithoraeth Upton Scudamore, Wiltshire, a pharhaodd i ddal y fywoliaeth honno hyd ei farw yn sir Fôn ym mis Mai 1812. Cyfieithodd Owen y gweithiau canlynol yn Saesneg : Three Books of M. Terentius Varro concerning Agriculture, 1800; Agricultural Pursuits, translated from the Greek, 1805-6; Fourteen Books of Palladius on Agriculture, 1807.

Awdur

• Hywel David Emanuel, (1921 - 1970)

Ffynonellau

• Oxford Dictionary of National Biography
• Foster, Alumni Oxonienses: the members of the University of Oxford
• cofysgrifau'r Eglwys yng Nghymru (yn Ll.G.C.)

Dolenni Ychwanegol

• Wikidata: Q7792907

Dyddiad cyhoeddi: 1953

Hawlfraint Erthygl: http://rightsstatements.org/page/InC/1.0/