HUW LLŶN (fl. c. 1552-1594), bardd

Enw: Huw Llŷn
Rhyw: Gwryw
Galwedigaeth: bardd
Maes gweithgaredd: Eisteddfod; Barddoniaeth
Awdur: Ray Looker

Brodor o Lŷn a raddiodd yn ddisgybl pencerddaidd cerdd dafod yn eisteddfod Caerwys yn 1568 (Peniarth MS 132 (59)). Efallai ei fod yn frawd i Wiliam Llŷn (NLW MS 1244D (28), NLW MS 1580B (308); Bulletin of the Board of Celtic Studies, ix, 112, etc.). Dywedir gan ' Myrddin Fardd,' J. E. Griffith, a J. C. Morrice mai'r boneddwr Huw ap Rhisiart ap Dafydd o Gefn Llanfair oedd Huw Llŷn. Gwyddys fod Huw ap Rhisiart hefyd yn fardd, ond nid oes unrhyw brawf mai'r un person oeddynt.

Cadwyd peth o farddoniaeth Huw Llŷn, ac yn ei phlith gerddi i Walter Devereux (iarll Essex), Henry Rowland (esgob Bangor), Simwnt Thelwal o Blas y Ward, ac i'r Deheuwyr Tomas Fychan (Pembre), Gruffudd Dwn (Ystrad Merthyr), Wiliam a Siors Owen (Henllys), a Sion Llwyd (Cilgwyn). Canwyd ymryson rhyngddo a Sion Mawddwy, ac un arall rhwng Wiliam Cynwal ac ef a'r pedwar bardd Wiliam Llŷn, Ieuan Tew, Sion Phylip, a Hywel Ceiriog.

Gwelir enghraifft o'i law yn Llanstephan MS 40 (149-56).

Awdur

Additional Manuscript in the British Museum 14894
Llawysgrif Stowe 959
Cardiff Manuscripts 52, 63, 84
Archifau LlGC: Cwrtmawr MS 3B: Barddoniaeth, Trioedd, &c
Archifau LlGC: Cwrtmawr MS 216B: Llyfr Richard Foulke
Poetry in praise of Gruffydd Dwnn, Llanstephan MS 40
Poetry, [1668x1722], Llanstephan MS 133
Archifau LlGC: NLW MS 3021F, NLW MS 3047C, NLW MS 3048D
NLW MS 8330B: 'Talm o hen-gerdd i Foelyrch'
H. Blackwell, NLW MSS 9251-9277A: A Dictionary of Welsh Biography
Bulletin of the Board of Celtic Studies, ix, 112
Cymru yn hanesyddol, parthedegol, a bywgraphyddol (1875)
J. Davies, Antiquæ linguæ Britannicæ et linguæ Latinæ, dictionarium duplex (1632)
T. R. Roberts, Eminent Welshmen: a short biographical dictionary of Welshmen... from the earliest times to the present (1908)
J. E. Griffith, Pedigrees of Anglesey and Carnarvonshire Families (1914), 224
J. C. Morrice, Barddoniaeth Wiliam Llyn (1908)
J. Jones ('Myrddin Fardd')Cynfeirdd Llyn, 1500-1800 (Pwllheli 1905), 149
William Owen Pughe, The Cambrian Biography (1803)

Dyddiad cyhoeddi: 1953

Hawlfraint Erthygl: http://rightsstatements.org/page/InC-RUU/1.0/