Y Bywgraffiadur Cymreig


A  B  C  D  E  F  G  H  I  J  K  L  M  N  O  P  Q  R  S  T  U  V  W  X  Y  Z



DAVIS , DAVID DANIEL ( 1777 - 1841 ), meddyg ;

g. ym mhlwyf Llandyfaelog , Caerfyrddin , 15 Mehefin 1777 . Bu yn ysgol ramadeg Caerfyrddin , wedyn yn academi Ymneilltuol Northampton , ac wedyn ym Mhrifysgol Glasgow , lle y graddiodd yn 1801 . Gweithiodd fel meddyg yn Sheffield hyd 1813 , pan symudodd i Lundain , a chael ei benodi'n feddyg i'r Queen Charlotte's Hospital . Yn 1819 , efe a weinyddai ar dduges Caint pan aned y frenhines Victoria . Penodwyd ef yn 1827 yn athro bydwreigyddiaeth yng Ngholeg y Brifysgol yn Llundain . Bu f. 4 Rhagfyr 1841 .

Ffynonellau:

  • T. Iorwerth Jones yn Trafodion Anrhydeddus Gymdeithas y Cymmrodorion ., 1932-3 (gyda rhestr o'i bapurau argraffedig);
  • Lives of the Fellows of the Royal College of Physicians , iii, 117;
  • Oxford Dictionary of National Biography

Awdur:

Yr Athro Emeritus Robert Thomas Jenkins, C.B.E., D.Litt., Ll.D., F.S.A., (1881-1969), Bangor

Blwyddyn Cyhoeddi: 1953-54