Bu James Clark f. 12 Mehefin 1859 .

Bythefnos wedi dechrau cyhoeddi y Chepstow Weekly Advertiser cychwynnwyd newyddiadur arall yn sir Fynwy , sef The Illustrated Usk Observer , gan JAMES CLARK ( 1818 - 1913 ), mab arall i James Clark . Dechreuasai J. H. Clark fusnes yn Brynbuga , 1 Ionawr 1834 , gyda'i frawd hŷn, GEORGE CLARK (a fu f., fodd bynnag, yn Chepstow , 12 Ebrill 1835 ). Dysgasai'r ddau frawd eu crefft yn swyddfa eu tad. Ganed J. H. Clark 23 Ionawr 1818 yn Caerloyw a bu f. 16 Chwefror 1913 , yn 95 oed. Yn ystod ei yrfa hir fel argraffydd a chyhoeddwr ysgrifennodd a chyhoeddodd lu o lyfrynnau a llyfrau — e.e. Usk and its Neighbourhood , 1856 ; Handbook to Monmouthshire and South Wales , 1861 ; Sketches of Monmouthshire , 1868 ; History of Monmouthshire , 1869 ; Usk, Past and Present , 1893 , etc.; am ragor o fanylion gw. Ifano Jones , History of Printing and Printers in Wales and Monmouthshire , a chasgliadau William Haines [q.v.] ar lyfryddiaeth sir Fynwy (yn Ll.G.C. ). Newidiodd y newyddiadur ei enw o bryd i bryd, gan barhau hyd 1907 . Priododd J. H. Clark , 15 Mawrth 1838 , Sophia (bu f. 1901 ), ferch hynaf William Howell , Chepstow . Bu ganddo siop lyfrau yng Nghaerdydd am gyfnod. Yn Awst 1875 dechreuodd gyhoeddi misolyn, The Usk Gleaner and Monmouthshire Record , a barhaodd hyd ddiwedd 1878 . Dygwyd y busnes argraffu ym Mrynbuga ymlaen gan ei ferch, ELIZA CLARK . Aeth WILLIAM CLARK , mab hynaf J. H. Clark , o Frynbuga i Aberhonddu yn 1866 i gychwyn The Brecon County Times .